1. “Hazır” hiss etməyə məcbur deyilsiniz
Bir çox insan terapiyaya başlamaq üçün hər şeyin aydınlaşmasını gözləyir. Halbuki nə danışmaq istədiyinizi tam bilməməyiniz də işin bir hissəsi ola bilər.
2. İlk görüş bir tanışlıqdır
İlk seansda sizi terapiyaya gətirən mövzunu, gözləntilərinizi və keçmişinizlə bağlı əsas məlumatları danışırıq. Siz də suallarınızı verir, bu iş formasının sizə uyğun olub-olmadığını dəyərləndirirsiniz.
3. Terapevtlə uyğunluq vacibdir
Terapevtik münasibətin keyfiyyəti prosesin ən həlledici amillərindən biridir. Özünüzü rahat hiss etmədiyiniz məqamı dilə gətirmək də prosesin bir hissəsidir.
4. İrəliləyiş həmişə düz xətt üzrə getmir
Bəzi həftələr daha yüngül, bəziləri daha ağır keçə bilər. Çətinlik çəkmək işlərin pisləşdiyi demək deyil; çox vaxt vacib bir mövzuya yaxınlaşdığınızı göstərir.
5. Məxfilik təmin olunur
Paylaşdıqlarınız peşə etikası və qanunvericilik çərçivəsində məxfi saxlanılır. Məxfiliyin qanuni istisnaları ilk görüşdə açıq danışılır.
Bu yazı ümumi məlumat xarakterlidir; diaqnoz və ya müalicəni əvəz etmir. Özünüzü təhlükəsiz hiss etmirsinizsə, 112-yə zəng edin.
